चपराळा जि. गडचिरोली Tourism Place in India
मित्रानो मी तुम्हाला गडचिरोली जिल्यातील काही पर्यटन स्थळाची माहिती देणार आहोत. जेणे करून तुम्हाला गडचिरोली जिल्यातील पर्यटन स्थळाची ओळख होणार. आणि तुम्हाला वाटले की गडचिरोली जिल्यातील पर्यटन स्थळे बघावी तर मग माझी ही माहिती खूप तुम्हाला उपयोगी पडेल.
हनुमान मंदिर प्रशांत धाम चपराळा या पवित्र तीर्थक्षेत्राजवळ वैनगंगा - वर्धा या नद्यांचा येथे संगम झाला आहे. पुढे ही नदी प्राणहिता या नावाने ओळखली जाते. सदर स्थळ निसर्गरम्य आणि प्रेक्षणीय आहे. चपराळा येथील भगवान हनुमानजीची पुरातनकालीन स्वयभू जागृत मूर्ती ५०० वर्षांपूर्वीची आहे.या देवालयाची संस्कृती ५०० वर्षांपूर्वीची आहे असे समजते. चपराळा हा परिसर अत्यंत घनदाट जंगलानी व्यापला आहे.Tourism Place in India
१९४३-४४ मध्ये केंद्र सरकारचे भूगर्भ वैज्ञानिक सर्वेक्षण विभागाचे प्रथमच सर्वेक्षण करीत असताना खोद कामाच्या वेळी कंपार्टमंट न.२४२मध्ये हनुमानजीची मूर्ती आढळली व ती तिथेच ठेवली गेली. तेव्हापासून भाविकगण येत आणि मेळावे भरवित होते. हनुमान मंदिर प्रशांत धाम चपराळा देवस्थान विश्वस्त मंडळ संस्थापक व आजीवन अध्यक्ष संत श्री कार्तिकस्वामी महाराज सन १९५२ पासून कायम वास्तव्यात होते. महाराजांनी हनुमान मूर्तीसाठी झोपडीवजा मंदिर उभारले व हनुमान मूर्तीची प्राणप्रतिष्ठा केली. तेव्हापासून देवदर्शनासाठी व धार्मिक कार्यक्रम, महाशिवरात्री यात्रा, मेळावे आदी साठी भविकगण येत आहे.
पिण्याच्या पाण्याची सोय, हनुमान मंदिर लगत असलेले सभा मंडप, स्टोयर रूम,धर्मशाळा बांधकाम ई. अनेक कामे इथे झालेली आहेत. विश्वस्त मंडळाने या ठिकाणी हनुमान मंदिर, श्रीराम मंदिर, दुर्गामाता मंदिर, ट्रस्ट ऑफिस व निवास, स्वंयमपाकघर व निवास, मंगल कार्यालय, कर्मचारी निवास महादेव मंदिर, साईबाबा मंदिर, गजानन महाराज मंदिर, रामदास स्वामी मंदिर असे अनेक मंदिराचे बांधकाम पूर्ण केले आहे. महाशिवरात्री यात्रा १९५२ पासून येथे भरत आहे.Tourism Place in India
त्यानंतर १९९० पासून फार मोठ्या स्वरूपात यात्रा उत्सव भरत असून सुमारे १ ते २ लाख भाविक यात्रेला व देवदर्शनासाठी येत असतात.
तसेच रामनवमी, हनुमान जयंती, कार्तिक मास उत्सव होत असून खूप मोठ्या प्रमाणात भक्त येत असतात.
तर असे हे गडचिरोली जिल्यातील पर्यटन स्थळ आणि देवस्थान असून तुम्ही पण एकदा तरी अवश्य भेट द्यावी.
यानंतर सुद्धा मी आणखी काही पर्यटन स्थळाची माहिती तुम्हाला देण्याचा प्रयत्न करणार आहो.
कोणत्याही टिप्पण्‍या नाहीत:
टिप्पणी पोस्ट करा